Ftit tal-jiem ilu kelli x-xorti kbira li mmur naqdi dmirijieti ġewwa il-Vatikan. Dawn il ġranet żgur li kienu uniċi u ta’ esperjenza. Ħadt gost ħafna waqt il funzjonijet kollha iżda l-aktar li laqtuni kienu dawk tal-festa ta Santa Marija. Esperjenza oħra li laqtitni ħafna kienet iċ-ċerimonja tal-vestizzjoni.

L-Esperjenza ta’ Matthew Azzopardi fil-Belt tal-Vatikan

Nhar is-7 ta’ Awissu sebaħ il-jum li fih kelli nsiefer lejn Ruma sabiex nqatta ħmistax–il ġurnata nservi ta’ abbati fil-Bażilika ta’ San Pietru. Konna grupp ta’ dsatax, erba’ Għawdxin u l-bqija Maltin. L-Għawdxin l-oħra kienu Luke Grech mill-Knisja tal-Kapuċċini, Andrew Mizzi mill-paroċċa ta’ Kerċem u Paul Parnis mill-paroċċa tal-Munxar. Biex wieħed jintgħażel kellu jagħmel eżami speċjali u wara jattendi għal seba’ laqgħat f’Malta.