L-Esperjenza ta’ Matthew Azzopardi fil-Belt tal-Vatikan

Nhar is-7 ta’ Awissu sebaħ il-jum li fih kelli nsiefer lejn Ruma sabiex nqatta ħmistax–il ġurnata nservi ta’ abbati fil-Bażilika ta’ San Pietru. Konna grupp ta’ dsatax, erba’ Għawdxin u l-bqija Maltin. L-Għawdxin l-oħra kienu Luke Grech mill-Knisja tal-Kapuċċini, Andrew Mizzi mill-paroċċa ta’ Kerċem u Paul Parnis mill-paroċċa tal-Munxar. Biex wieħed jintgħażel kellu jagħmel eżami speċjali u wara jattendi għal seba’ laqgħat f’Malta.

Festa ta’ Sidtna Marija Nkurunata Reġina tas-Sema u l-Art u d-Dħul Solenni ta’ Santa Marija fin-Niċċa tagħha.

Il-komunità parrokkjali reġgħet nġabret madwar Ommna Santa Marija fil-jum tal-festa tagħha bħala Reġina tas-sema u l-art, biex flimkien stajna nroddu ħajr lil Alla tal-festa sabiħa li għamilna ad unur tagħha. Waqt il-quddiesa tas-7:15pm Mons Arċipriet wassal xi riflessjonijiet fuq il-misteru tal-imħabba t’Alla li għażel lil Ommna Marija bħala Sultana tagħna. Flimkien ma’ Mons Arċipriet kienu preżenti żewġ kappillani Rumani li apprezzaw d-devozzjoni kbira li għandna lejn Santa Marija. Fi tmiem il-quddiesa Mons Arċipriet għamel l-evaluazzjoni tiegħu dwar l-andament tal-festa.